Ekki sama Jón og sr. Jón

"Er skuldhreinsað við bankastarfsmenn?

Og reiðin magnast !!!

Talið er að yfirmaður áhættustýringar Kaupþings hafi tapað 2 milljörðum (mest tekið á láni) og allar skuldir hreinsaðar við hann og mörg hundruð aðra bankastarfsmenn sem tóku lán frá 10-1000 milljónir til að kaupa hlutabréf, sumir fengu sér Cruiser 100 jeppa, fjármögnuðu heimsreisur og lúxus heimili. Allar skuldir hreinsaðar upp svo þeir geti hafið störf í nýju ríkisbönkunum.  Rökin sem FME og ráðamenn færa fyrir þessu er að það sé ómögulegt að manna yfirmannastöður í nýju bönkunum nema þetta sé gert, því lögum samkvæmt mega gjaldþrota einstaklingar ekki starfa fyrir banka.

Margir telja þetta stríðsyfirlýsingu við venjulegu borgarana í þessu landi enda
flestir með lán í þessum bönkum. "

Jæja - semsé ef maður vinnur sem "yfirmaður" hjá banka og skuldar 2-3 milljarða - þá fær maður núna "skulda-aflausn" frá ríkinu.

 

Athugasemdir

[Georg P Sveinbjörnsson, 3.11.2008 kl. 15:43]

Ef að þetta reynist rétt á eftir að brjótast út gríðaleg reiði...sem er orðin ærin fyrir, það leggur skítalykt af þessu ráðslaði yfir allt venjulegt fólk, hversu rotið þarf eplið að vera til að fólk láti ekki bjóða sér það?

[Rakel Sigurgeirsdóttir, 9.11.2008 kl. 03:13]

Frábær mynd sem fylgir þessari færslu! Ég er svo forvitin í eðli mínu að ég verð að láta það eftir mér að spyrja þig hvar þú náðir í hana?