Halda ró sinni...

Vissulega er það alvarlegt að það sé ráðist gegn lögreglumönnum og að fólk sýni þeim ekki tilhlýðilega virðingu.  En, virðing er áunnin, ekki gefin og lögreglumenn margir í dag af yngri kynslóðinni kunna einfaldlega ekki að bera sig að við aðstæður og ganga oft fram með ofsa.  Það sést mikill munur á þeim sem eru eldri í lögreglunni, enda oftast nær kunna þeir að lesa aðstæður og leysa úr flóknum aðstæðum á fagmannlegan hátt.

En ef að lögreglumönnum er umhugað um öryggi sitt, af hverju eru þeir þá ekki í hnífstungubrynjum, með kraga og kevlar hanska?  Af hverju er þeim einfaldlega ekki fjölgað sem mæta í útkall, úr 1-2 í 3-4?

Það er nefnilega þannig að enginn er ofurmaður, þó hann sé í búning og þar sem að lögreglumenn læra venjulega sjálfvörn þar sem tæknin snýst um að slást maður á mann en ekki sjálfsvörn eins og Krav Maga (Ísraelska sjálfsvörn) þar sem menn læra að slást við einn og fleiri, er það þá að furða að þeir verði undir?

Rafstuðbyssur eða skammbyssur eru ekki lausn á þessu, því í flestum aðstæðum sem koma upp, má ávallt róa málin niður með því að beita almennri skynsemi og láta ekki búningin stíga sér til höfuðs, því eftir allt þá eru manneskjur í búningunum líka, með sýnum kostum og göllum.

 

Lögreglumenn áhyggjufullir

Athugasemdir

[Jói (IP-tala skráð) 19.10.2008 kl. 19:43]

Eiga þeir kannski líka að ganga með hjálma í öllum útköllum? Hins vegar sammála þér um að sjálfsvarnarþjálfun lögreglumanna er í tómu rugli. Það hef ég staðfest frá mörgum þeirra sjálfra. Tómt bull þar í gangi. Hins vegar efast ég um að Krav Maga sé lausnin þá því. Margt annað og eðlilegra í boði. T.d. ISR og fleira.

[U4ea, 19.10.2008 kl. 23:32]

Af hverju ekki hjálma?  Víða erlendis er það farið að tíðkast að þeir gangi í hlífðarfatnaði.

Jujitsu og júdó bara virkar ekki gegn hópslag, Krav Maga hins vegar gerir það kunni menn að fara varlega.

En þýðingarmesta þjálfun sem að lögreglumenn geta fengið er að nota orð í stað handa og þar standa þeir eldri í lögreglunni hinum yngri mun framar, enda kunna þeir að koma fyrir sig orði til að afvopna viðkvæmar aðstæður.