Virðingarleysi ríkisins fyrir þjóðinni?

Þegar að svo er komið að ríkisstjórn þessa lands sem og alþingismenn (sem tilheyra flokkum ríkisstjórnarinnar) eru orðnir svo fastir í sjálfsblekkingunni að þeir halda að fólkið í landinu sé ekki búið að fá nóg, þá er í óefni komið.

Auðvitað þarf að efna til kosninga með hraði og fá nýtt blóð og nýja menn við stýrið á þjóðarskútunni, því almenningur hefur að meirihluta (samkvæmt öllum skoðannakönnunum) misst traust á ríkisstjórnina.

Það að loka sig af í kastala sjálfsblekkingar og halda að það sé hægt að berja "sauðsvartan almúgann og um 500 æsingamenn" til hlýðni, sýnir hversu illa ríkisstjórnin og alþingi okkar er úr takt við raunveruleikann.

Það er orðið ansi grimmt þegar að í það stefnir að uppúr sjóði niður á Austurvelli og það sem mæti fjölskyldufólki sem mætt er til mótmæla, séu lögreglumenn tilbúnir til óeirða gegn ÖLLUM sem á staðnum eru.

Er það virkilega vilji Alþingismanna þessa lands að ef það skyldi sjóða uppúr að börn verði fyrir barðinu á t.d. kylfum, táragasi eða því nýjasta - hundum ?

 

Greint frá mótmælunum erlendis

Athugasemdir

[Garðar Þór Bragason, 9.11.2008 kl. 07:15]

ágætt hjá þér... en ég held að það sé nú enginn frjáls villji sem ráði þarna ferðinni..

[Garðar Þór Bragason, 9.11.2008 kl. 08:10]

ég væri nú ekki góður faðir ef eg færi með óvitan..barnið með mér í mótmæla göngu þar sem búast má við skrílslátum.

vonandi skilur þú orðið skrílslæti... á sama hátt og ég. 

[U4ea, 9.11.2008 kl. 13:24]

Skil þig mæta vel Garðar, en meirihluti þeirra sem mættu voru fjölskyldur sýndist mér og voru að hlýða á eldræður Harðar Torfa og annarra mætra aðila sem segja á svo skemmtilegan hátt frá því hvernig okkur öllum líður.

Því miður er það eins og að setja olíu á eldinn þegar að ungir eldhugar innan lögreglunnar mæta með kylfur og táragas í stað þess að taka hann Geir Jón Þórisson sér til fyrirmyndar og standa uppréttur og fús til að ræða við alla.

Held að málið sé að í gær voru tvær kynslóðir lögreglumanna, sem og mótmælenda á ferð.  Annarsvegar ung og óreynd kynslóð sem heldur að hnefarétturinn leysi allan vanda og hins vegar eldri og rólegri kynslóð sem veit að orð eru máttugri en ofbeldi.

En að lögregla mæti vígbúin þegar börn eru á staðnum er bara óásættanlegt með öllu.