"sjaldan fellur Byrgið langt frá Bankanum"

Verð að vitna í orð Óttars Norðfjörð úr nýju bókinni hans:

„Þessi saga fjallar um 10 litla bankastráka sem lenda í vandræðum. Fyrstur til þess að fara er Hannes Smárason sem klúðraði algjörlega FL Group. Svo fara þeir einn af öðrum og í lokin er bara einn bankastrákur eftir og það er Davíð Oddsson. Hann neitar að fara og endar með íslensku fjallkonunni. Síðustu línur bókarinnar hljóma svona: „Hann sótti handjárnin og hjakkaðist á píu og fyrr en varði urðu bankastrákarnir aftur 10.“

Hægt að sjá viðtalið við hann hér: DV viðtal 


mbl.is Hækkun stýrivaxta mun ekki virka
Tilkynna um óviðeigandi tengingu við frétt

ég mótmæli...

og ég ætla að mæta! 

n1069015666_30195481_6785

  


Má bjóða hinn vangann líka?

Jæja, það kom að því að ríkisstjórn og seðlabankastjórn sýndu sitt rétta andlit.

Ekki aðeins mun þessi svakalega hækkun valda því að fjölskyldur fara í þrot, heldur munu fyrirtæki, þá sér í lagi minni fyrirtækin leggjast af með tilheyrandi atvinnuleysi.

Ég er ekki æsingamaður, en núna ætla ég að segja takk Davíð og hurðin er þarna - ég ætla að vera sammála fjölda manns sem vill þig burtu.

Sama má segja um sjálfstæðisflokkinn, minn gamla flokk reyndar, gætuð þið skilið lyklana að stjórnarráðinu eftir í póstkassanum þar, svo að fólk með viti getið komið og tekið við.


mbl.is Vaxtahækkun vegna IMF
Tilkynna um óviðeigandi tengingu við frétt

Hringavitleysa...

Af hverju taka nú stjórnmálamenn sig ekki á og segja af sér?  Þorgerður Katrín ætti að sjá sóma sinn í að segja af sér í stað þess að lifa í voninni að hennar tími sé kominn.

Krónan er ónýtur gjaldmiðill, það er staðreynd því miður.  En að horfa til ESB er tóm vitleysa, við einfaldlega værum að tapa meira á því en að græða.  Framsal á auðlindum og öðru.

Af hverju eru Íslendingar nú ekki einu sinni sniðugir og rökhugsandi og leita ásjár til frænda okkar í Noregi.  Væri svo slæmt að fara í ríkjasamband við Noreg og framselja hluta af fullveldi okkar til Noregs frekar en ESB?

Við fengjum jú, Norska krónu, stærri fiskimið, þekkingu og tækni til olíu og gasleitar ásamt svo mörgu öðru.

Að sama skapi fengju Norðmenn sömu tækifærin í raun.

 

Af hverju í ósköpunum hefur enginn stjórnmálamaður haft vit á því að leita ekki langt yfir skammt?

P.S.
Norskan er ekki svo erfið og töluvert skemmtilegri til náms heldur en danskan hvort sem er.


mbl.is Þorgerður: Taka þarf afstöðu til ESB og evru
Tilkynna um óviðeigandi tengingu við frétt

Halda ró sinni...

Vissulega er það alvarlegt að það sé ráðist gegn lögreglumönnum og að fólk sýni þeim ekki tilhlýðilega virðingu.  En, virðing er áunnin, ekki gefin og lögreglumenn margir í dag af yngri kynslóðinni kunna einfaldlega ekki að bera sig að við aðstæður og ganga oft fram með ofsa.  Það sést mikill munur á þeim sem eru eldri í lögreglunni, enda oftast nær kunna þeir að lesa aðstæður og leysa úr flóknum aðstæðum á fagmannlegan hátt.

En ef að lögreglumönnum er umhugað um öryggi sitt, af hverju eru þeir þá ekki í hnífstungubrynjum, með kraga og kevlar hanska?  Af hverju er þeim einfaldlega ekki fjölgað sem mæta í útkall, úr 1-2 í 3-4?

Það er nefnilega þannig að enginn er ofurmaður, þó hann sé í búning og þar sem að lögreglumenn læra venjulega sjálfvörn þar sem tæknin snýst um að slást maður á mann en ekki sjálfsvörn eins og Krav Maga (Ísraelska sjálfsvörn) þar sem menn læra að slást við einn og fleiri, er það þá að furða að þeir verði undir?

Rafstuðbyssur eða skammbyssur eru ekki lausn á þessu, því í flestum aðstæðum sem koma upp, má ávallt róa málin niður með því að beita almennri skynsemi og láta ekki búningin stíga sér til höfuðs, því eftir allt þá eru manneskjur í búningunum líka, með sýnum kostum og göllum.

 


mbl.is Lögreglumenn áhyggjufullir
Tilkynna um óviðeigandi tengingu við frétt

Í lagi að berja aðra manneskju segir hæstiréttur.

Held að hæstiréttur hafi sett nýtt met í afglöpum og aldrei þessu vant eru skilaboðin þeirra að það sé í lagi að berja konur.  Ekki aðeins máttu ef þú ert karlmaður berja þær, heldur máttu sparka duglega, merja jafnvel hryggjaliði og láta blæða duglega úr sárum.

Fyrir það færðu 2 mánuði á skilorði og borgar málskostnað.

Mikið hlýtur nú vera gott að vera ofbeldismaður og geta núna labbað niður í bæ, vitandi að ef viðkomandi snapar sér slagsmál, þá er það allt í lagi.  Lögreglan í mesta lagi tekur af þér skýrslu (ef hún er ekki upptekin) og síðan þegar þú mætir upp í hæstarétt, þá er fordæmið 2 mánuðir á skilorði.

Er það bara ég eða ætti ekki að hreinsa til í kerfinu á nýja startinu og reka þessa launaáskrifendur úr hæstarétti, alveg eins og fólk vill gera með seðlabankann og ráða þar inn fólk sem hefur þekkingu á því sem það er að gera?

Þegar á allt er horft, af hverju eru ekki kviðdómendur hér á landi eins og til dæmis í Færeyjum?  Af hverju ekki að láta jafningja dæma á jafningjagrundvelli eftir lagabókstafnum hér á landi?
Held að tveir mánuðir hefðu þá a.m.k. hljómar lágmark 2 ár í þessu tilfelli.


mbl.is Tveir mánuðir fyrir líkamsárás
Tilkynna um óviðeigandi tengingu við frétt

Afsökun meðtekin af minni hálfu.

Tek nú bara ofan fyrir Sigríði Ingibjörgu fyrir að axla ábyrgð, þó svo að ég sé ekki fullviss um hvaða þátt hún á í því ástandi sem upp er komið.

Hins vegar má alltaf sýna mannlegu hliðina þegar fólk biðst afsökunnar og tekur ábyrgð á hlutunum og fyrir mína parta finnst mér þessi kona sýna ábyrgð með því að standa upp þegar hún telur að hennar störf að einhverju leyti tengst því ástandi sem nú er upp komið.

En er ekki tímabært þá að bankastjórn seðlabankans og bankastjórar víki og við fáum jafnvel Jón Sigurðsson í stól bankastjóra í seðlabankann?   


mbl.is Segir sig úr bankaráði Seðlabankans
Tilkynna um óviðeigandi tengingu við frétt

Þú ert bara dóni góði!

Gordon Brown going nuts

Eftir að hafa séð þennan meinta forsætisráðherra Breta belgja sig út og nánast lýsa íslendingum sem hryðjuverkamönnum (að ráðamönnum okkar meðtöldum), finnst mér að besti kosturinn í stöðunni væri að fá Davíð Oddson til að senda honum tóninn á sinn þjóðkunna hátt og lýsa Mr. Brown sem dóna fyrir framan alþjóðlegu fjölmiðlamennina.

Að aðildarríki NATO beiti hryðjuverkalöggjöf sinni gegn öðru ríki, held ég að teljist einsdæmi í sögu NATO og að við skulum ekki taka mun harðar á þessum Bretum er mér með öllu óskiljanlegt.

Ekki hafa þeir boðist til að rétta okkur hjálparhönd, heldur þvert á móti hafa þeir sem téð vinaþjóð okkar sýnt sinn innri mann, og ég fyrir mína parta lýsi eftir því að einhver ráðamaður hér á landi reki yfirlýsingagleði Mr. Brown ofan í hann öfugan.

Manni finnst það hálfundarlegt að við höldum diplómatískum línum opnum við þessa bresku konungsþjóð eftir svona yfirlýsingar og aðfarir, og ennþá frekar eftir að þeir beita ákvæðum hryðjuverkalega gegn okkur sem aðildarþjóð í NATO.

Held að maður geri slagorð herferðar Vodafone að sínu með smá breytingu og segi: Skítt með Breta - við höfum Rússa! 


mbl.is Brown: Viðhorf íslenskra stjórnvalda óviðunandi
Tilkynna um óviðeigandi tengingu við frétt

« Fyrri síða

Um bloggið

U4ea

Höfundur

U4ea
U4ea
Höfundur veltir fyrir sér lífinu í raunveruleikanum og heldur sig utan við sýndarheima óraunveruleikans.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • sland a skkva  jpg 280x800 q95
  • Gordon Brown going nuts

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband